Хүний эрх хамгаалагч Н.Баярсайхан, Хил хязгааргүй Алхам ТББ-ын тэргүүн, “ТАН” эвслийн гишүүн, ОҮИТБС-ын үндэсний зөвлөлийн ажлын хэсгийн гишүүнээр 10 жил ажилласан.
2001 оноос хойш уул уурхайн салбарын үйл ажиллагааны улмаас үүсэж болох хүний эрх, нутгийн иргэдийн эрх ашиг, байгаль орчны болон хөгжих эрхийг судлах, баримтжуулах, хамгаалах чиглэлээр дагнан ажиллаж байгаа.
-Бодлогын болон стратегийн баримт бичиг боловсруулах, хуулийн нөлөөлөл, нийтийн эрх ашгийн өмгөөлөл хийх, үндэсний нүүдэлчин онцлогт нийцсэн сургалтын модуль, арга зүй боловсруулах, нутгийн иргэдийн хөгжих эрхээ хамгаалахад нь дэмжлэг үзүүлж тэдэнтэй хамтран ажиллаж байна.
-Эрдэс баялагийн салбар түүний дэд бүтцийн төсөлд хийх “Байгаль орчин, нийгмийн нөлөөллийн үнэлгээ хийх аргачлал”-ыг боловсруулах баг ахалж ажилласан. Мөн “Хамтын оролцоотой байгаль орчны мониторинг” хийх аргачлалыг боловсруулан амжилттай туршиж байна.
